മുക്കൂട്: മുക്കൂട് തൈപ്പൂയ മഹോത്സവത്തിൻ്റെ നാലാം ഉത്സവം 2026 ജനുവരി 31 ശനിയാഴ്ച (മകരം 17) ഭക്തിസാന്ദ്രമായ ചടങ്ങുകളോടെ ആഘോഷിക്കും. ഭക്തജനങ്ങൾ പൊങ്കാല സമർപ്പണവും കലാപരിപാടികളും ഉൾപ്പെടെ വിപുലമായ ആഘോഷങ്ങളാണ് ശനിയാഴ്ച നടക്കുന്നത്.
പ്രധാന ചടങ്ങുകൾ: രാവിലെ 5 മണിക്ക് നടതുറക്കലിനും നിർമ്മാല്യത്തിനും ശേഷം 6 മണിക്ക് മഹാഗണപതി ഹോമം നടക്കും.
- പൊങ്കാല: 7 മണിക്ക് ഉഷപ്പൂജയ്ക്ക് ശേഷം 7.05-ന് ക്ഷേത്രസന്നിധിയിൽ ഭക്തിനിർഭരമായ പൊങ്കാല സമർപ്പണം നടക്കും.
- നാമജപം: 7.30-ന് കൊട്ടാരക്കര ശിവശക്തി ജെൻ്റ്സ് അവതരിപ്പിക്കുന്ന അഖണ്ഡനാമ ജപം ആരംഭിക്കും.
- 10 മണിക്ക് ഉച്ചപ്പൂജയും കലശാഭിഷേകവും തുടർന്ന് 12 മണിക്ക് വിപുലമായ അന്നദാനവും ഉണ്ടായിരിക്കും.
വൈകിട്ട് 6.30-ന് ദീപാരാധനയും 7.45-ന് അത്താഴ പൂജയും ശ്രീഭൂതബലിയും നടക്കും. തുടർന്ന് കലാപരിപാടികൾ
- രാത്രി 8.00-ന്: കൊട്ടാരക്കര കാടാംകുളം സിദ്ധിവിനായക അവതരിപ്പിക്കുന്ന കൈകൊട്ടിക്കളി.
- രാത്രി 9.00-ന്: കുണ്ടറ B&V ട്രാക്സ് അവതരിപ്പിക്കുന്ന ട്രാക്ക് ഗാനമേള.
സമർപ്പണം: അഖണ്ഡനാമ ജപം സമർപ്പിക്കുന്നത് രാജേഷ്, സെബിൻ, ഉണ്ണി എന്നിവരാണ്. പൂജ, വിളക്ക്, അന്നദാനം എന്നിവയുടെ സമർപ്പണം അനുരാജ് (പാലവിളതെക്കേതിൽ), സുജി സുരേന്ദ്രൻ (നിവാ ഇംപെക്സ് കാഷ്യു ട്രേഡിംഗ് കമ്പനി, കൊല്ലം) എന്നിവർ നിർവഹിക്കുന്നു.